{"id":559,"date":"2022-06-25T19:45:51","date_gmt":"2022-06-25T18:45:51","guid":{"rendered":"https:\/\/www.gwct.wales\/?page_id=559"},"modified":"2024-11-19T16:47:31","modified_gmt":"2024-11-19T16:47:31","slug":"richard-lyn-anthony","status":"publish","type":"page","link":"https:\/\/www.gwct.wales\/cy\/case-studies\/richard-lyn-anthony\/","title":{"rendered":"Richard a Lyn Anthony"},"content":{"rendered":"\n
\n
\n

Mewn 16 mlynedd, newidiodd Richard a Lyn Anthony o reoli haid fach o ddefaid ar dir rhent 110 erw i gymysg o ffermio ar gontract a Thenantiaethau Busnes Fferm hirdymor yn rhedeg 3,000 erw o dir \u00e2r a glaswellt gyda haid o 800 o ddefaid. Yn un o arloeswyr dwys\u00e1u cynaliadwy, yn 2013, etholwyd Richard yn gymrawd Cymdeithas Amaethyddol Frenhinol Cymru i gydnabod ei waith ar reoli pridd, a gynyddodd ei gynnyrch 25-30% a chynyddu’r boblogaeth o bryfed genwair 10 gwaith. Mae\u2019n parhau i ddatblygu systemau atgynhyrchiol, yn ffafrio datrysiadau naturiol yn hytrach na mewnbwn cemegol, o ganlyniad mae ganddo fferm sy\u2019n gyfoeth o fywyd gwyllt, gan gynnwys adar prin fel y sigl-i-gwt melyn a cholomennod mair. Dywedodd Lyn, \u201cMae\u2019n anhygoel gweld sut mae\u2019r niferoedd \u00e2\u2019r amrywiaeth o rywogaethau o adar gwahanol, ysgyfarnogod a bywyd gwyllt eraill wedi cynyddu dros y blynyddoedd diwethaf.”<\/p>\n\n\n\n

Mae adeiladwaith a ffrwythlondeb y pridd wedi\u2019u gwella drwy fras-drin y tir. Ers tair blynedd, nid ydym wedi defnyddio cnydau gorchudd, dydyn ni ddim wedi cyd blannu ffa’r gwanwyn a meillion (berseem) i sefydlogi nitrogen yn y pridd na chwistrellu pryfleiddiad. Dywedodd Richard, \u201cOs edrychwch ar y ffordd yr oeddem yn tyfu r\u00eap had olew bum mlynedd yn \u00f4l, mae\u2019n rhyfeddol. Mae cnwd OSR eleni yn edrych yr un mor dda \u00e2’r gorffennol, ond rydym yn ei dyfu mewn dull gwbl wahanol. Mae cyd blannu cnydau fel gwenith yr hydd, ffacbys a ffa\u2019r gwanwyn, i weld wedi lleihau\u2019r nifer problemus o fath penodol o chwilen (flea beetle) ac mae ymylon o laswellt gyda stribedi \u00e2 chymysg o flodau gwyllt wedi adfer pryfed ysglyfaeth buddiol. Yn ddiweddar rydym wedi caniat\u00e1u i\u2019n gwrychoedd dyfu yn lletach ac yn uwch, sy’n gwneud gwahaniaeth mawr ar y cyd a\u2019r gwelliannau i ymylon y caeau.\u201d<\/p>\n<\/div>\n\n\n\n

\n
\"\"<\/figure>\n<\/div><\/div>\n<\/div>\n\n\n\n
\n
\n

Mae’r adar hefyd wedi elwa o dir hela ffesant y fferm sydd wedi ariannu bwydo yn ystod y gaeaf, rheoli ysglyfaeth a chymysgeddau cnydau g\u00eam, gan gynnwys blodau’r haul, ffa\u2019r gwanwyn, bresych deiliog y ciper, gwenith yr hydd, millet a phacelia. Y busnes sy\u2019n talu am y mesurau amgylcheddol eraill, gan fod Richard yn credu bod opsiynau amaeth-amgylchedd Glastir yn rhy gyfyngol. Yn ei farn ef, mae\u2019n hanfodol bod cynlluniau\u2019n hyblyg ac yn cyd- fynd \u00e2\u2019r gweithrediadau ffermio. Dywedodd, \u201cTynnodd y swyddogion prosiect a gafodd eu clustnodi i ni, hanner o’r hyn yr oeddem eisiau ei roi i mewn. Roedden ni’n mynd i fod dan anfantais ac yn waeth ein byd yn ariannol, felly fe wnaethon ni benderfynu peidio \u00e2 mynd i mewn i’r cynllun a gwneud yr hyn roedden ni’n teimlo oedd y peth iawn.”<\/p>\n\n\n\n

Mae Richard a Lyn wedi gwahodd gwleidyddion a gwneuthurwyr polisi i ddod i weld eu gwaith cadwraeth integredig yn uniongyrchol, yn y gobaith y bydd cynlluniau yn y dyfodol yn fwy cyfeillgar i ffermio ac yn hyfyw yn ariannol. Dywedodd Richard, \u201cRydym yn treialu pethau ar lawr gwlad er mwyn dangos beth sy\u2019n gweithio a beth sydd ddim. Byddwn wrth fy modd yn gwneud yr hyn rydym wedi’i gyflawni yn Sealands dros y fferm gyfan, ond os yw Llywodraeth Cymru am gyflwyno hyn ar draws y wlad, bydd yn rhaid iddynt dalu amdano.”<\/p>\n\n\n\n

Gan edrych i’r dyfodol, hoffai Richard a Lyn gydweithio \u00e2 ffermwyr eraill, gan gysylltu coetiroedd a chynefinoedd eraill. Dywedodd Richard, “Rwy’n credu y byddai gan lawer o’n cymdogion ddiddordeb, felly gobeithio y byddai gan unrhyw gynllun yn y dyfodol gyllid ar gyfer hwyluso Clwstwr Ffermwyr.”<\/p>\n<\/div>\n\n\n\n

\n
\"\"<\/a><\/figure>\n<\/div><\/div>\n<\/div>\n\n\n\n
<\/div>\n\n\n\n
\n